web analytics

पुर्नवासमा राहत वितरण शुरु , अब देखी राहत बितरणमा एक द्दार प्रणाली अपनाईने ।

लाल बहादुर एस.के

चैत्र  २२, पुनर्वास  ।

COVID-19 Post ADS

कोरना भाईरस (कोडिभ १९) रोकथाम तथा नियन्त्रणका लागि सरकारले लकडाउन विधि अबलम्बन गरेको छ । त्यही नीति अनुसार कञ्चनपुरको पुर्नवास नगरपालिकाले समेत राहत वितरण शुरु गरेको छ ।

लकडाउनको कारण हातमुख जोर्न समस्या भएका पुनर्वास क्षेत्रमा बसोबास गर्ने विपन्न वर्गलाई शनिबारदेखि नगरपालिकाले राहत वितरण सुरु गरेको हो ।

पुनर्वास नगरपालिकाका मेयर जीवनराज थापाले वडा नम्बर ५ मा ५३ घर र वडा नम्बर ३ मा ५० घर गरि जम्मा १०३ घरपरिवारलाई राहत वितरण गरि राहत वितरण गरेको बताए ।
अति विपन्न र ज्यालादारी गरेर खाने प्रत्येक परिवारलाई १० केजी चामल, १ केजी दाल, ५०० मिलि खानेतेल,नून १ पाकेट र साबुन १ पाकेट उपलब्ध गराईएको थियोे । मेयर थापाले राहत वितरण कार्यलाई निरन्तरता दिईने र हरेक वडाको वडाध्यक्ष र वडासमितिलाई राहत वितरणको जिम्मेवारी दिईएको बताए ।

त्यसैगरी पुनर्वास नगरपालिका उपप्रमुख शारदा बिष्टले विभिन्न क्षेत्रबाट वितरण गर्न लागीएका राहतका कार्यक्रम यथासिघ्र रोकेर नगरपालिकासङ्ग समन्वय गरि वितरण कार्यमा सहयोग गरिदिन समेत सरोकारवाला निकायहरुलाई अनुरोध गर्नुभयो ।
पुनर्वास नगरपालिकामा कोरोना भाईरस संक्रमण प्रकोप रोकथाम तथा नियन्त्रण समन्वय समितिको गत चैत २० गते बसेको बैठकले सो निर्णय गरेको थियोे । पुर्नवासका मेयर जिवन थापाले कुनैपनि व्यक्ति समुह, संघ संस्थाले राहत दिनुपरेमा नगरपालिका मार्फत एकद्वारा प्रणाली अपनाउन आग्रह गरेका छन ।

अहिले सम्म विभिन्न सामाजिक संघ संस्थाहरुले आफू खुशी राहात बितरण गर्दै आएका थिए । तर सरकारको निर्णय सँगै पुनर्वास नगरपालिकाले पनि अब एक द्दार बितरण प्रणालीलाई अबलम्बन गर्न कडाई गर्न लागेसँगै अब देखि आफुखुशि राहत बितरण गर्न नपाईने नगरपालिकाले जनाएको छ ।

यो पनि पढ्नुहोस

कंचनपुरमा र कैलाली थप ३ जनालाई नयाँ संक्रमन फेला गरे लगत्तै कंचनपुर-कैलालीमा कडाई गरिने भएको छ । आज बसेको कंचनपुरको जिल्ला स्तरीय बैठकले भोलि बैंक र ठेलाहरु र अन्य कार्यलयहरुलाई पनि पुर्नरुपमा बन्द गर्ने निर्णय गरेको छ । केहि दिन अघि मात्र आंसिक रुपमा बैंकलाई खोल्न दिने निर्णय गरेको थियो । यसका साथै एक स्थानीय तह बाट अर्को स्थानीय तहमा जान समेत रोक लगाउने समेत निर्णय भएको छ ।

Facebook Comments
Down to post ads-480-38

Comments are closed.